Ismaily Tactical Forum - سلبيات الاسماعيلي امام طلائع الجيش

الأحد 26 فبراير 2017 - 12:19 صباحاً
لاعبي الاسماعيلي امام طلائع الجيش

لاعبي الاسماعيلي امام طلائع الجيش

كتب : ماجد لبدة
فقرة جديدة يقدمها موقع "اسماعيلي24" مع Ismaily Tactical Forum ، تختص بتحليل الخصوم قبل مواجهة النادي الاسماعيلي وابراز نقاط القوة والضعف وملامح طريقة اللعب ، وتحليل سلبيات وايجابيات الاسماعيلي عقب المباراة .
 
1- المساحات الكبيرة اللي كانت موجودة في نص ملعبنا الدفاعي في الشوط الأول بسبب حسني عبد ربه وقلة وعدم تقارب الخطوط من بعضها فكان فيه مساحة كبيرة بين خط النص وخط الدفاع ولما كان حد بيرجع فيها كان بيبقي عماد حمدي بس في معظمها فكنا بنقطع الكرة بصعوبة او بنقطعها بفاول .
 
 
 

2- محاولة الاختراق من العمق والاعتماد علي الكرات الطويلة سواء الهوائية فلما كنا بنكسبها كانت بتتلعب بشكل غلط للمهاجم التاني قبل ما يطلع ولما كنت بترجع لنص الملعب كانت بتتسقط في العمق لاي حد وخلاص فكان موقف اللاعب يجري ورا الكورة والمدافع بيتكرر كتير جداً ومعظم الكرات كانت في صالح المدافع وده لبطأ كالديرون اللي مفتقد اساسيات الكرة في الباص والسرعة .

كالديرون فقط بيلتحم بشكل جيد في الكرات الهوائية وبينجح ياخد الكتير منها ولكن بدون اي فائدة لانه كان بيفقد الكرة بسهولة او بيبصي باص سلبي لأقرب لاعب منه مفيهوش اي ايجابية .

لاعب زي ابراهيم حسن وبوشا دول راس مالهم الجري جنب الخط ولعب الكرات العرضية مش اللعب من العمق والاستلام والتسلم تحت ضغط في مساحات ضيقة .

3- عشوائية التمركز الدفاعي لبافور الصراحة ، اللي ظهر بشكل كبير جداً الشوط الاول او التمركز الدفاعىء السىء للدفاع ككل ، في الصورة الأولي بهاء وبافور بيغطوا في نفس المكان ومتولي فقط في منطقة الجزاء وراه مساحة كبيرة فيها باهر مان تو مان مع لاعب الطلائع .

مساحة سهل جداً اختراقها ومتولي باصص للكرة فقط مش شايف مين اللي جاي من ورا لقدام ، بالاضافة لتقدم بافور في الكرات الهوائية وتاخر رباعي الدفاع بشكل كبير جداً ففيه مسافة كبيرة بينهم .

اخيراً تحرك متولي ، زي الصورة الثالثة مش ممكن المساحة اللي ورا متولي وبينه وبين الباك اليمين ، اللاعب اللي بيتحرك من ضهربافور ده اللي ملزم بمراقبته بافور ، بشغل مدرب بتمركز ال4 مدافعين او ل 2 مساكين خاصة قريبين من بعض فكل لاعب قافل زوايا التمرير بينه وبين اللاعب اللي جنب .

لمتابعة Ismaily Tactical Forum عبر الفيسبوك 

المصدر : الاسماعيلي - طلائع الجيش
  

تعليق الفيس بوك