Ismaily Tactical Forum - ما قبل المباراة - تحليل لطريقة لعب الانتاج الحربي وأبرز نقاط القوة والضعف

الجمعة 17 فبراير 2017 - 09:13 مساءً
احتفال حسني عبد ربه بهدفه في الانتاج الحربي الدور الأول

احتفال حسني عبد ربه بهدفه في الانتاج الحربي الدور الأول

كتب : ماجد لبدة
فقرة جديدة يقدمها موقع "اسماعيلي24" مع Ismaily Tactical Forum ، تختص بتحليل الخصوم قبل مواجهة النادي الاسماعيلي وابراز نقاط القوة والضعف وملامح طريقة اللع ، وتحليل سلبيات وايجابيات الاسماعيلي عقب المباراة .
 
(1) طريقة اللعب .
- بيعتمد الانتاج الحربي مع شوقي غريب علي طريقة 523 بتتحول دفاعيا الي 541 بتراجع 2 من المهاجمين علي اطراف الملعب وديه الطريقة المفضل لشوقي غريب ايضاً اثناء فترته التدريبية للإسماعيلي .
- مببعتمدش الانتاج علي الضغط المتقدم بيركز شوقي غريب علي التكتل الدفاعي وبداية الضغط من التلت التاني لنص ملعبه وعمل حائط صد بخط النص قدام الدفاع .
- ولما يقطع الكرة بيلعبوا كرات مباشرة لقدام ل 3 مهاجمين في هجمة مرتدة .. واثناء بناء الهجمة فيه باك بيتقدم والتاني بيقف في نص الملعب وده للحرص الدفاعي من كابتن شوقي مش من نوعية المدربين اللي بيدي حرية هجومية للباكين في نفس الوقت .
(2) نقاط القوة
- الهجمات المرتدة ، اول ما بيتم قطع الكورة بيتحرك 2 مهاجمين من الاطراف في التلت الدفاعي للتلت الهجومي لمساندة اللاعب المتواجد قدام والثلاثي ده في الاغلب بيبقي وليد حسن وصلاح امين واوميد اوكري ، الكرة الطويلة بتتلعب علي الطرف لواحد من المهاجمين و2 لاعيبة بيبقوا جوا المنطقة .
 
 
- ابرز نقطة للانتاج هو الكثافة الدفاعية بتواجد 3 مدافعين في المنطقة امامهم 6 لاعبين في وسط الملعب وتقارب المسافات بين الخطين دول مبيديش اي مساحات للخصم .. وبيمتاز شوقي غريب بالتركيز علي الجانب الدفاعي ومحاولة الخطف بمرتدة والانتاج كان من اقوي دفاعات الدوري الموسم الماضي .
 
(3) نقاط الضعف
- المساحة ورا الباك لما ينزل مع الوينج .. باكات الانتاج بتضغط علي الوينج او اللاعب اللي قريب منها .. سواء في كرة عرضية فيضم معاه لجوا المنطقة ولما يستلم غي العمق فينزل يضغط عليه ويسيب وراه مساحة كبيرة .
 
- تحرك خط النص ككتلة واحدة مع الهجمة .. ده يبان انه شىء ايجابي الا انه بيبقي نقطة ضعف لان الطرف التاني من الملعب بيبقي فاضي تماما .. ثنائي الارتكاز بيحاولو يرجعوا يغطوا المساحة ديه ولكن مع استمرار نقل الكرة بين طرفي الملعب حيتم ارهاقهم وعدم اكمال المباراة بنفس الدقة في التغطية والتحرك ، ده حيستلزم دور كبير من الباكات في التقدم والدخول اكتر لعمق منطقة الجزاء وان الوينج يضحك علي باك الانتاج بانه يسحبه معاه بره مركزه ويتحرك الباك او لاعب ارتكاز في المساحة الفاضة ديه .
 
 
 
  

تعليق الفيس بوك